Кампанія SpaseX адмяніла спробу запусціць ракету Starship

У чым прычына?

Кампанія Ілона Маска SpaseX адклала спробу запуску ракеты Starship V3. Інжынерам не ўдалося ліквідаваць шэраг праблем, якія ўзніклі ў апошнюю хвіліну перад стартам.

Аб гэтым паведамляюць Bloomberg і CNN.

Планавалася, што Starship здзейсніць свой 12-ы палёт з касмадрома кампаніі SpaceX у Паўднёвым Тэхасе, больш вядомага як Starbase. Але ў апошнюю хвіліну перад стартам, які неаднаразова пераносіўся, менеджар па камунікацыях SpaseX Дэн Хоут сказаў, што спробу перанеслі.

«Мы разлічваем зрабіць яшчэ адну спробу палёту заўтра, але, безумоўна, сачыце за нашымі паведамленнямі ў сацсетках», — дадаў ён.

Што пайшло не так

Першапачаткова запуск Starship планаваўся на 19:00 па мясцовым часе (02:00 па Мінску). Пазней узлёт перанеслі на 19:30.

Пасля барацьбы з непагодай, у самы апошні момант над стартовай пляцоўкай усталявалася яснае неба, што дазволіла SpaseX прызначыць старт у канцы 90-хвіліннага стартовага акна.

Аднак далей, калі таймер зваротнага адліку наблізіўся да адзнакі ў адну хвіліну, шэраг аўтаматычных блакіровак пачаў парушаць працу сістэмы.

Дэн Хоут пералічыў некалькі праблем, якія прывялі да прыпынення палёту:

няспраўнасць з паліўным трубаправодам, прымацаваным да Starship;

няспраўнасць датчыка на ракетнай вежы;

і, відаць, праблема з сістэмай воднага арашэння.

На дадзены момант невядома, якая менавіта з гэтых праблем — усе ці адна — прымусіла кампанію адмовіцца ад запуску, але адно відавочна: яшчэ адна спроба можа быць заўтра ў 18:15, калі інжынеры ліквідуюць пералічаныя вышэй памылкі.

Акрамя таго, SpaceX можа спатрэбіцца папоўніць запасы паліва і акісляльніка ў масіўных баках, што акружаюць стартовую пляцоўку, каб падрыхтавацца да наступнай спробы.

«Новая ракета, новая стартовая пляцоўка — мы шмат даведваемся пра гэтыя сістэмы, калі запускаем іх упершыню, і мы не можам ухіліць усе гэтыя непаладкі ў апошнія секунды перад стартам. Але гэта, па сутнасці, ператварае ўсё гэта ў генеральную рэпетыцыю», — дадаў Хуот.

Адзначым, што гэтая місія, першая за некалькі месяцаў, азнаменуе доўгачаканы дэбют мадэрнізаванай версіі апарата, якая атрымала назву Version 3 або V3. У мінулым годзе ў SpaseX узнікла некалькі праблем з прататыпам Starship V2.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com