Фотафакт: У Берасці барацьбіты з акумулятарным заводам павіншавалі адзін аднаго з Вялікаднем на плошчы

Дзясяткі чалавек паўдзельнічалі ў «кармленні галубоў».

Блізу 75 чалавек выйшлі 28 красавіка на плошчу Леніна ў Берасці на традыцыйнае кармленне галубоў у знак пратэсту супраць будаўніцтва побач з горадам акумулятарнага завода, піша «Салідарнасць».

Сярод іх былі і тыя, каго на гэтым тыдні аштрафавалі за ўдзел у масавай акцыі - шэсці супраць завода 7 красавіка.

Змагары за асяроддзе павіншавалі адзін аднаго з Вялікаднем, пагутарылі і разышліся. Падчас і пасля акцыі пратэсту затрыманняў не было.

Нагадаем, перад Вялікаднем быў затрыманы і адпраўлены ў ІЧУ да суда адзін з лідараў пратэставага руху Дзмітрый Бекалюк.