Міленіялы часцей за іншых прыхарошваюць рэзюмэ

Міленіялы хлусяць у рэзюмэ ўдвая часцей за іншыя пакаленні.

Сацыёлагі высветлілі, што прадстаўнікі пакалення міленіялаў (народжаныя ў перыяд з 1989 да 2000 гады) часцей за іншых хлусяць у рэзюмэ і суправаджальных лістах, гаворыцца ў матэрыяле CNBC.

Даследаванне правёў партал GoBankingRates, у ім узялі ўдзел 1003 чалавекі. Пераважная большасць рэспандэнтаў (85%) распавялі, што ніколі не хлусілі пра сябе ў рэзюмэ. Яшчэ 9% хацелі, але не змаглі. І толькі 5% сумленна прызналіся ў тым, што прыхарошвалі рэчаіснасць падчас пошуку працы. Высветлілася, што пераважная большасць з іх - міленіялы.

Прадстаўнікі маладога пакалення хлусяць у рэзюмэ ўдвая часцей. У адрозненне ад агульнай выбаркі, дзе ў гэтым прызналіся толькі 5%, сярод міленіялаў гэты паказчык дасягнуў 11%. Часцей за ўсё патэнцыйныя работнікі хлусяць пра досвед (38%) і стажы (31%). Пры гэтым мужчыны ў асноўным перабольшваюць інфармацыю пра колькасць кампаній, у якіх працавалі (46% супраць 31%), а жанчыны - пра колькасць гадоў, праведзеных у прафесіі (41% супраць 19%).

Спецыялістка ў пытаннях кар'еры TopResume Аманда Аўгусцін акрэсліла некалькі прычын, чаму людзі хлусяць у рэзюмэ. Першая - кандыдаты не ведаюць, як растлумачыць працадаўцу прычыну свайго кар'ернага «разрыву», калі, напрыклад, на працягу некалькіх месяцаў ці гадоў у іх не было працы.

Другая прычына для хлусні - недахоп рэлевантнага досведу працы. Аднак, паводле апытання кансалтынгавай фірмы Robert Half, 84% працадаўцаў гатовыя разгледзець кандыдата без неабходнага досведу. Таксама 62% рэспандэнтаў распавялі, што змаглі ўладкавацца на працу, хоць і не адказвалі першапачаткова пастаўленым патрабаванням.

Аманда Аўгустын мяркуе, што найлепшы спосаб атрымаць пасаду мары - адправіць працадаўцу сумленнае рэзюмэ, у якім будуць апісаныя актуальныя навыкі і досвед працы. Дадаткова могуць дапамагчы шчырасць, энтузіязм і жаданне развівацца ў кампаніі.