21 лiстапада 2019, Чацвер, 9:58
Праўда пра «выбары»
Рубрыкі

Хто прайшоў у фінал нацадбору на дзіцячую «Еўравізію»

Хто прайшоў у фінал нацадбору на дзіцячую «Еўравізію»
ФОТА: ВАДЗІМ ЗАМІРОЎСКІ, TUT.BY

Сталі вядомыя імёны шчасліўчыкаў.

У лік фіналістаў увайшлі Марыя Ермакова, Сафія Храловіч, Марыя Жыліна, Арына Пехцерава, Анастасія Жабко, Лізавета Місьнікава, Сафія Рустамава, гурт «Зефір», Ксенія Галецкая і гурт «Monkey Tops», паведамляе tut.by.

Гурт «Нясумны ўзрост», у складзе якога выступае Арцём Макей, сын міністра замежных спраў Уладзіміра Макея і актрысы Веры Паляковай, не ўвайшла ў лік фіналістаў.

Усяго ў праслухоўванні ўзялі ўдзел 38 удзельнікаў. Яно праходзіла ў рэжыме жывога гуку ў суправаджэнні музыкі і (або) фанаграмы, запісанай без вакалу ці якіх-небудзь вакальных імітацый.

У склад прафесійнага журы ўвайшлі прадстаўніца Міністэрства культуры Таццяна Пархамовіч, мастацкая кіраўніца Нацыянальнага цэнтра мастацкай творчасці дзяцей і моладзі Надзея Коршунава, старшая выкладчыца кафедры мастацтва эстрады Універсітэта культуры і мастацтваў Таццяна Дробышава, старшыня Беларускага саюза кампазітараў Алена Атрашкевіч, кампазітар Максім Алейнікаў, шоўмэн і вядоўца «Белтэлерадыёкампаніі» Яўген Перлін; прадстаўнік Беларусі на дзіцячым конкурсе песні «Еўравізія-2011», аглядальніца культуры Агенцтва тэленавінаў «Белтэлерадыёкампаніі» Лідзія Заблоцкая; прадстаўнік Беларусі на дзіцячай «Еўравізіі-2016», спявак Аляксандр Мінёнак.

Прадстаўнік Беларусі на конкурсе будзе вызначаны пасля гала-канцэрта, які адбудзецца не пазней за 27 верасня. Пераможца будзе абраны пасля галасавання гледачоў і прафесійнага журы.

Дзіцячая «Еўравізія-2019» пройдзе 24 лістапада ў польскім Глівіцэ.