Беларусь не выйшла ў фінал Еўралігі

Перамог беларускіх пляжнікаў над Расеяй і Швейцарыяй аказалася не дастаткова.

Каманда Беларусі пацярпела паразу ад каманды Гішпаніі ў матчы заключнага тура групавога раўнда суперфіналу Еўралігі ў пляжным футболе - 2:3, паведамляе pressball.by.

Беларусы не змаглі прабіцца ў фінал турніру. Нашы суайчыннікі паспрачаюцца са зборнай Турцыі за пятае месца ў Суперфінале. Паядынак пройдзе 8 верасня.

Гішпанія - Беларусь - 3:2

Галы: 0:1 - Чайкоўскі (4.48). 1:1 - Хаўер Торэс Медзіна (19.27). 2:1 - Антоніа Маёр (23.40). 3:1 - Антоніа Маёр (27.43). 3:2 - Брыштэль (32.44, са штрафнога).

Табліца: Расея - 6 балаў (3 гульні), Гішпанія - 6 (3), Беларусь - 4 (3), Швейцарыя - 0 (3).