Ва ўзорах вады за сакавік 2019 года гішпанскія навукоўцы знайшлі каранавірус

COVID-19 мог цыркуляваць задоўга да яго выяўлення, а сімптомы тых, хто захварэў апісваліся як грып.

Каранавірус SARS-CoV-2 выявілі ў узорах сцёкавых вод Барсэлоны, узятых 12 сакавіка 2019 года. Пра гэта 26 чэрвеня паведаміў сайт Барсэлонскага ўніверсітэта са спасылкай на даследаванне групы навукоўцаў, піша gordonua.com.

Гэта дазваляе выказаць здагадку, што інфекцыя прысутнічала ў чалавечай папуляцыі задоўга да таго, як стала вядома пра ўспышку COVID-19.

Спецыялісты даследавалі замарожаныя ўзоры вады з гарадской каналізацыі за перыяд са студзеня 2018 года да снежня 2019 года. Каранавірус выявілі толькі ў адной пробе, аднак сляды яго геному несумнеўныя, сказаў удзельнік даследавання, кіраўнік Гішпанскага таварыства вірусолагаў Альберт Бош. На яго думку, носьбітам мог быць чалавек, які прыбыў у Барсэлону з прафесійнай або турыстычнай мэтай.

Да 2020 года праява сімптомаў, вядомых цяпер як сімптомы COVID-19, маглі спісваць на грып, мяркуе Бош.

Барсэлонскія вірусолагі таксама вывучылі ўзоры сцёкавых вод за першыя месяцы 2020 года і выявілі SARS-CoV-2 у пробах за 15 студзеня - за 41 дзень да першага афіцыйнага выпадку інфікавання ў горадзе.

Хоць COVID-19 з'яўляецца рэспіраторнае захворванне, даследчыкі даказалі, што ў экскрыментах, якія дасягаюць сцёкавых вод, утрымліваецца вялікая колькасць геному каранавіруса. Вывучэнне гэтых матэрыялаў мае важнае значэнне для ранняга выяўлення цыркуляцыі віруса сярод насельніцтва, адзначаюць навукоўцы.

Аб успышцы каранавіруса SARS-CoV-2 упершыню паведамілі ўлады Кітая ў снежні 2019 года. 11 сакавіка 2020 года Сусветная арганізацыя здароўя абвясціла распаўсюджванне каранавіруса пандэміяй.

У даследаванні брытанскіх і французскіх навукоўцаў, якое было апублікавана 5 траўня, гаварылася, што пандэмія COVID-19 пачалася паміж 6 кастрычніка і 11 снежня 2019 года і распаўсюджванне віруса ў папуляцыі было імклівым на ўсіх кантынентах.