Трамп асудзіў прапанову абвясціць яму імпічмент
12- 12.01.2021, 21:54
- 9,939
Ён упершыню пракаментаваў планы дэмакратаў у Палаце прадстаўнікоў абвясціць яму імпічмент.
Прэзідэнт ЗША Дональд Трамп упершыню пасля беспарадкаў у Вашынгтоне 6 студзеня з'явіўся на публіцы і пагутарыў з журналістамі перад тым, як адправіцца ў штат Тэхас. Ён упершыню пракаментаваў планы дэмакратаў у Палаце прадстаўнікоў абвясціць яму імпічмент, асудзіўшы іх і параўнаўшы з «паляваннем на ведзьмаў». Трамп таксама сказаў, што гэтыя планы выклікаюць «гнеў» у многіх людзей, паведамляе svoboda.org.
Прэзідэнт адмаўляе, што падбухторваў 6 студзеня сваіх прыхільнікаў да гвалту. Менавіта пасля мітынгу з удзелам Трампа частка яго ўдзельнікаў уварвалася ў будынак Капітолія, відавочна з мэтай сарваць зацвярджэнне Кангрэсам перамогі апанента Трампа Джо Байдэна на выбарах прэзідэнта. Трамп сказаў, што ў яго прамове не было заклікаў да гвалту. Ён таксама асудзіў тэхналагічныя кампаніі за тое, што яны заблакавалі яму доступ да сацыяльных сетак.
У Тэхасе Трамп, як чакаецца, наведае мяжу з Мексікай і выступіць на фоне памежнага мура, збудаванне якога было адным з яго абяцанняў.
ICYMI: President Trump talks with reporters TWICE before heading to Texas. Watch here ⬇️ #PresidentTrump #ICYMI https://t.co/gX3FpdqEho
— NewsNOW from FOX (@NewsNOWFOX) January 12, 2021