Новы штурм мяжы: беларускія спецслужбы рэзалі дрот і асляплялі палякаў лазерам
3- 4.12.2021, 13:31
- 5,202
Напады мігрантаў ішлі адзін за адным адразу ў двух месцах.
Учора ўвечары беларускія спецслужбы некалькі разоў наносілі ўдары па ўчастках польскай мяжы, якія ахоўваюцца заставамі ў Міхалаве і ў Чарэмшы.
Пра гэта паведамляе Памежная служба Польшчы.
Беларускія сілавікі рэзалі калючы дрот, каб мігранты маглі прайсці. А падчас рамонту загарод лукашысты сляпілі польскіх памежнікаў лазерамі.
Супрацоўнікі памежнай аховы Польшчы ў Чарэмшы затрымалі ўначы на мяжы 40 мігрантаў.
Wczoraj tj.03.12 służby🇧🇾kilkukrotnie uszkadzały concertinę na odcinkach gr.ochranianych przez placówki SG w Michałowie i w Czeremsze.Podczas jej naprawiania służby🇵🇱były oślepiane laserami.Ok. godz.18.00 #funkcjonariuszeSG z PSG w Czeremsze zatrzymali przy granicy 40 imigrantów. pic.twitter.com/DIV449MGwy
— Straż Graniczna (@Straz_Graniczna) December 4, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП «Брузгі-Кузніца».
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры «Брузгі» на мяжы. Польская разведка паведаміла, што беларускія сілавікі ператварылі цэнтр «Брузгі» ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб узняць іх на новы штурм польскай мяжы.
1 снежня беларускія спецслужбы абстралялі польскі прымежны горад Тэрэспаль. Абстрэлам былі знішчаны асвятляльныя мачты на мяжы з Беларуссю.