Кіраўнік МЗС Літвы – Лукашэнку: Сыходзь!

Габрыэлюс Ландсбергіс заклікаў дыктатара даць свабоду беларускаму народу.

Міністр замежных справаў Габрыэлюс Ландсбергіс заклікаў Лукашэнку скласці паўнамоцтвы прэзідэнта Беларусі. Габрыэлюс раскрытыкаваў Лукашэнку за вялікую колькасць палітвязняў у Беларусі.

Пра гэта літоўскі міністр напісаў на старонцы ў Twitter.

«Беларускага дыктатара Лукашэнку не задавальняе прысутнасць больш як 400 палітвязняў. Закрыццё межаў фактычна азначае, што ўся краіна становіцца адной вялікай турмой для 10 мільёнаў грамадзянаў. Сыходзь – і хай будзе твой народ!» – заявіў Габрыэлюс Ландсбергіс.