Беларусам паабяцалі летнюю спякоту ў маі

Да +30.

У Беларусь у бліжэйшыя дні прыйдзе сапраўдная летняя спякота. Як паведамляе БелТА са спасылкай на даныя Белгідрамета, пасля спакойных і цёплых выхадных краіну чакае актыўны ў плане надвор'я тыдзень.

Найвышэйшая тэмпература чакаецца ва ўсходніх рэгіёнах, куды і далей будзе паступаць цёплае паветра па паўднёва-заходняй перыферыі антыцыклона. Там слупкі тэрмометраў месцамі падымуцца да +30 градусаў. У заходняй частцы краіны будзе заўважна прахалодней — ад +17 да +25, што сіноптыкі называюць камфортнай тэмперай.

Пры гэтым паступленне цёплых і вільготных паветраных мас створыць умовы для фармавання кучава-дажджавой воблачнасці, таму на працягу тыдня магчымыя кароткачасовыя дажджы і навальніцы.

У аўторак, 19 мая, ноччу тэмпература складзе ад +10 да +15 градусаў, а на захадзе месцамі апусціцца да +8…+9. Днём паветра прагрэецца ад +16 на паўночным захадзе да +30 градусаў на ўсходзе краіны.

У сераду, 20 мая, месцамі таксама пройдуць кароткачасовыя ападкі. Ноччу чакаецца ад +8 да +14 градусаў, на паўднёва-ўсходзе — да +16. Днём тэмпература складзе ад +17 на паўночным захадзе да +29 на паўднёва-ўсходзе.

У чацвер, 21 мая, прагназуюцца дажджы, навальніцы і месцамі туман. Ноччу тэмпература будзе вагацца ад +10 да +16 градусаў, а ў асобных раёнах захаду — да +9. Днём паветра прагрэецца ад +18 на паўночным захадзе да +30 градусаў на паўднёва-ўсходзе.

У пятніцу, 22 мая, кароткачасовыя дажджы чакаюцца практычна па ўсёй тэрыторыі Беларусі. Ноччу тэмпература складзе ад +10 да +17 градусаў, удзень — ад +17 на захадзе да +28 на паўднёва-ўсходзе.

Субота, 23 мая, таксама будзе дажджлівай. Магчымыя навальніцы, а ноччу і раніцай месцамі слабы туман. Тэмпература ноччу складзе ад +6 да +12 градусаў, на паўднёва-ўсходзе — да +16, удзень паветра прагрэецца да +17…+24.

У нядзелю, 24 мая, сітуацыя з надвор'ем істотна не зменіцца: месцамі пройдуць кароткачасовыя дажджы, магчымыя навальніцы і туман у начныя і ранковыя гадзіны. Тэмпература ноччу складзе ад +6 да +12 градусаў, удзень — ад +19 да +26. У асобных раёнах у другой палове дня таксама верагодныя навальніцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com