Рэжым Лукашэнкі апублікаваў праект закону аб амністыі
13- 12.10.2022, 21:00
- 18,798
«Палітычныя» пад амністыю не трапляюць.
На Нацыянальным прававым інтэрнэт-партале апублікавалі праект закона аб амністыі. Законапраект падалі ў “палату прадстаўнікоў” некалькі дзён таму.
Генеральны пракурор Андрэй Швед даўней казаў, што пад амністыю патрапіць блізу 8000 вязняў.
Але ўжо цяпер відаць, што «палітычныя» пад амністыю не трапляюць: палёгкі ў найбольш распаўсюджаных «палітычных» артыкулах Крымінальнага кодэкса ў законапраекце не прадугледжана. Гаворка ідзе пра такія артыкулы, як арт.130 (распальванне варожасці), 293 (масавыя непарадкі), 342 (дзеянні, якія груба парушаюць грамадскі парадак), 361-1 (удзел у экстрэмісцкім фармаванні), 368 (абраза Лукашэнкі), 369 (абраза прадстаўніка ўлады).
Таксама амністыя не закране тых, хто мае дачыненне да «экстрэмісцкай дзейнасці», «тэрарыстычнай дзейнасці», а таксама тых, хто «заўзята парушае пэўны парадак падчас адбывання пакарання або іншых захадаў крымінальнай адказнасці».
Як адзначалі праваабаронцы, апошнія тыдні палітычных вязняў у вялікай колькасці праганяюць праз штрафныя ізалятары і карцэры, даюць ім спагнанні і залічваюць у «экстрэмісцкія» і нават «тэрарыстычныя» спісы. Прычым робіцца гэта на надуманых падставах.