У Курскай вобласці РФ прагрымела сэрыя выбухаў

Упалі чатыры набоі.

У аўторак, 20 снежня, у вёсцы Махнаўцы Курскай вобласці ўпалі чатыры набоі. Паводле звестак мясцовых улад пацярпела жанчына.

Пра гэта паведаміў губернатар Курскай вобласці Раман Старавойт.

Ён таксама дадаў, што пашкоджанні атрымалі тры дамы. У адным з іх шугануў пажар.

Губернатар вобласці традыцыйна абвінаваціў у абстрэле УСУ. Пацвярджэнняў гэтаму няма.