На Марсе знайшлі незвычайны бліскучы прадмет
8- 16.06.2022, 21:01
- 12,164
Што гэта?
Даследнікі з NASA на Марсе прадмет, які заціснула паміж двума камянямі. Яны мяркуюць, што гэта можа быць дэталь марсахода Perseverance.
Марсаход NASA Perseverance сфатаграфаваў бліскучы срабрысты прадмет, заціснуты паміж двума камянямі на дне кратара Джэзэра. Робат памерам з аўтамабіль даследуе гэты лапік планеты з лютага 2021 гады.
Паводле словаў каманды ровера, гэтае касмічнае смецце не з Марса, магчыма, гэта Perseverance даставіў яго з Зямлі. "Адна з нашых версій – гэта можа быць кавалак тэрмакоўдры, які быў часткай спускальнай ступені – рэактыўнага ранца з ракетным рухавіком, які спусціў прыладу ў 2021 годзе", – адзначае каманда Perseverance.
Паводле словаў прадстаўнікоў NASA, гэтыя здымкі прадмета з паветра таксама дапамагаюць інжынерам ацаніць эфектыўнасць і стан задняга вечка і парашута, што можа дапамагчы ў распрацоўцы будучых місій на Марс.
Perseverance шукае прыкметы старажытнага жыцця на Марсе і збірае ўзоры для наступнага вяртання іх на Зямлю. Паводле словаў чальцоў каманды місіі, мільярды гадоў таму ў Джэзэра было возера і дэльта ракі, таму гэта выдатнае месца для такой працы.
Марсаход зрабіў мноства цікавых фатаграфій, на якіх не відаць кавалкі ягонага ўласнага ахоўнага рыштунку. Напрыклад, у выходныя Perseverance зрабіў запамінальны здымак з дэльты Джэзэра, на якім відаць, як балансуюць валун і скала, дзіўна падобная на галаву змеі з адкрытым ротам.
