Facebook увёў у дзеянне доўгачаканую функцыю стужкі навін

Допісы сяброў і груп будуць адлюстроўвацца ў храналагічным парадку.

Сацыяльная сетка Facebook дадала функцыю Feeds, якая дазволіць адлюстроўваць стужку навін у храналагічным парадку. Пра гэта расказаў заснавальнік сацыяльнай сеткі Марк Цукербэрг.

З ягоных словах, карыстальнікі змогуць бачыць допісы, якія публікуюць сябры, групы і старонкі асобна. Мабільная праграма Facebook усё яшчэ будзе адкрывацца на стартавай старонцы, дзе навіны будуць паказвацца ў персаналізаваным парадку. У гэтым выпадку алгарытмы прапануюць праглядаць змест, які, напэўна, цікавіць карыстальнікаў больш за ўсё.

Але, перайшоўшы ва ўкладку Feeds, можна будзе паглядзець допісы сяброў у храналагічным парадку.

Новыя ўкладкі пачалі з'яўляцца ў карыстальнікаў 21 ліпеня і стануць даступныя ва ўсім свеце на працягу наступнага тыдня.