МУС Украіны: Сотні тысяч украінцаў былі вывезеныя на тэрыторыю РФ і Беларусі

РФ таксама вывезла з Украіны тысячы дзяцей.

Намесніца міністра ўнутраных спраў Украіны Кацярына Паўлічэнка заявіла, што ва Украіне зафіксавалі дэпартацыю больш як 5 600 дзяцей на тэрыторыю краіны-агрэсара Расеі, паведамляе «Новое время».

“Згодна са звесткамі Нацыянальнага інфармацыйнага бюро, ужо ідэнтыфікавана больш як 5 600 дзяцей, дэпартаваных у краіну-агрэсарку. Разам з тым мы разумеем, што рэальная колькасць сапраўды большая”, - сказала яна на брыфінгу.

Паводле ейных слоў, сотні тысяч украінцаў дэпартаваныя на тэрыторыю Расеі і Беларусі.

"Сёння напрацоўваецца механізм вяртання грамадзян", - сказала яна.