Лукашэнка расказаў, на што хварэў
64- 23.05.2023, 20:56
- 53,992
![Лукашэнка расказаў, на што хварэў](https://i.c97.org/ai/548130/aux-head-1684165846-20230509_luka_ruka_360.jpg)
На аснове перанесенага дыктатарам вірусу распрацаваная расейская вакцына «Спадарожнік V».
Аляксандр Лукашэнка заявіў, што ў яго быў адэнавірус, паведамляе БелТА.
«А калі нехта думае, што я паміраць сабраўся, супакойцеся. Супакойцеся. Гэта не больш чым пустыя развагі ў мэсэнджарах і тэлеграм-каналах», – сказаў Лукашэнка на нарадзе аховы здароўя 23 траўня.
Паводле ягоных словаў, у яго быў адэнавірус, які «лечыцца за тры дні». Характэрна, што расейская вакцына «Спадарожнік V» распрацаваная на аснове адэнавірусу, які «транспартуе» ў клеткі чалавека асобны ген (бялку S) каранавірусу.
«Адэнавірус ці што там было? Адэнавірус. Нічога. Каранік усміхаецца: лечыцца тры дні. Але паколькі ў мяне не было магчымасці лячыцца (то ў Маскву трэба, то суботнікі, то ў Гародню, потым Гомель), усё гэта назбіралася. Таму паміраць я не збіраюся, хлопцы. Вы яшчэ мучыцца са мной будзеце вельмі доўга», – заявіў Лукашэнка.
Як паведамляў Charter97.org, з 9 траўня Лукашэнка не з'яўляўся на публіцы шэсць дзён.