У Махачкале зноў успыхнулі пратэсты

Пратэстоўцы перакрылі транспартную магістраль.

Сотні жыхароў мікрараёнаў, размешчаных уздоўж праспекта Акушынскага ў сталіцы Дагестана, перакрылі гэтую транспартную магістраль, адну з найважнейшых у горадзе, пратэстуючы супраць адсутнасці ў іх дамах электраэнэргіі. Карыстальнікі сацсетак, якія заклікалі да акцыі пратэсту, паведамляюць, што святла няма ўжо трэція суткі.

Праспект быў перакрыты блізу 19:30 паводле Менска. Мяркуючы з распаўсюджанага ў сацсетках відэа, паліцыя паспрабавала затрымаць некаторых удзельнікаў акцыі, аднак іх адбілі пратэстоўцы.