Масква пайшла на канфрантацыю з Арменіяй

Крэмль закранулі вайсковыя вучэнні Арменіі з ЗША.

Крэмль абвінаваціў Арменію ў «серыі несяброўскіх крокаў», амбасадара гэтай краіны Вагаршака Аруцюняна выклікалі ў МЗС і зрабілі яму «жорсткі паказ», паведаміла прэс-служба расейскага Міністэрства замежных справаў.

«Кіраўніцтвам Арменіі ў апошнія дні пачатая серыя “несяброўскіх крокаў”, у тым ліку запуск працэсу ратыфікацыі Рымскага статута Міжнароднага крымінальнага суда, паездка ў Кіеў жонкі прэм'ер-міністра A. В. Акапян з перадачай гуманітарнай дапамогі, правядзенне на армянскай тэрыторыі вайсковых вучэнняў з удзелам ЗША», – гаворыцца ў паведамленні.