Украінскія дроны зноў ударылі па СПА РФ каля Сочы

На тэрыторыі вайсковай часці успыхнуў пажар.

У ноч на 11 кастрычніка ўзнік пажар на месцы дыслакацыі расійскай сістэмы супрацьпаветранай абароны ў Сочы, пра што сведчаць дадзеныя маніторынгавага сэрвісу NASA FIRMS. Паводле дадзеных сэрвісу, спадарожнік зафіксаваў пажар а 02:29 па мясцовым часе.

Раней у горадзе была абвешчаная паветраная трывога, уведзены абмежаванні на палёты самалётаў. Маніторынгавая група «Крымскі вецер» паведаміла пра пажар у вайсковай часці СПА №03110 на федэральнай тэрыторыі «Сірыус» паблізу Сочы.

Як піша ваенны партал «Мілітарны», пазіцыю СПА атакавалі ўдарныя дроны Сіл абароны Украіны.

«Месяцам раней на гэтай тэрыторыі таксама фіксавалі паражэнне сістэмы СПА і наступную дэтанацыю ракет. Тады мэтай стала расійская сістэма супрацьпаветранай абароны С-300», — гаворыцца ў артыкуле. Як дадалі аналітыкі, украінскія дроны паразілі як саму пускавую ўстаноўку, так і тэрыторыю, дзе размяшчаліся дадатковыя элементы комплексу.

Тады украінскія дроны нанеслі камбінаваныя ўдары па нафтавай інфраструктуры Сочы, у прыватнасці па нафтабазах «Роснефти» і ООО «Лукойл-Югнафтопродукт». Зыходзячы са спадарожнікавых здымкаў, на нафтабазе «Роснефти» былі знішчаныя шэсць рэзервуараў, а на аб’екце «Лукойл-Югнафтопродукт» — знішчаныя або пашкоджаныя яшчэ тры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com