Зяленскі: пазіцыі Украіны на фронце самыя моцныя за доўгі час
1- 12.10.2026, 22:03
ЗСУ адціскаюць расійскіх акупантаў.
Прэзідэнт Украіны Уладзімір Зяленскі пасля пасяджэння Стаўкі заявіў, што ўкраінскія войскі працягваюць весці актыўную абарону і паступова адціскаюць акупантаў. У раёне Добрапілля штодня гіне каля двух соцень расійскіх вайскоўцаў.
Пра гэта прэзідэнт Украіны паведаміў у сваім відэазвароце.
Зяленскі распавёў, што правёў пасяджэнне Стаўкі, на якім заслухалі важны даклад пра сітуацыю на фронце. Украінскія сілы, паводле яго слоў, працягваюць актыўную абарону і паступова адціскаюць праціўніка.
«За апошнія месяцы выраслі страты расіян. Толькі ў раёнах Добрапілля штодня расіяне страчваюць каля двух соцень чалавек забітымі. Шмат у іх і цяжкапараненых. Усе спробы ворага прасунуцца наперад, пранікнуць на нашу тэрыторыю мы спыняем, робім для гэтага ўсё магчымае», — адзначыў ён.
Зяленскі заявіў, што пазіцыі Украіны на фронце застаюцца моцнымі, а сёлета — наймацнейшымі за доўгі час.
Паводле яго, у некаторых участках фронту расіяне пераўзыходзяць нас па колькасці ў шэсць–восем разоў, але Украіна ўсё адно дасягае неабходных вынікаў.
Асобна Зяленскі адзначыў ваяроў:
12-й брыгады спецыяльнага прызначэння «Азоў» Нацыянальнай гвардыі Украіны;
1-й Прэзідэнцкай брыгады «Буревий»;
95-й асобнай дэсантна-штурмавай брыгады;
413-га палка «Рэйд» Сіл беспілотных сістэм ЗСУ;
104-й асобнай брыгады тэрытарыяльнай абароны ЗСУ;
памежнага атрада «Фенікс» Дзяржаўнай памежнай службы Украіны.
Ён падзякаваў усім падраздзяленням, якія ў поўнай меры выконваюць баявыя задачы і максімальна эфектыўна выкарыстоўваюць зброю, а таксама ўсім, хто «змагаецца дзеля Украіны, як дзеля самога сябе».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
