Праз Чыжоўскае вадасховішча ў Мінску пабудуюць мост

Гэта будзе працяг вуліцы Малініна ў бок Лошыцы.

Прадпрыемства «Гордорстрой» рыхтуецца рэалізаваць некалькі буйных праектаў у сталіцы. Пра гэта агенцтву «Минск-Новости» распавёў дырэктар «Гордорстроя» Сяргей Панеў.

Сярод іх — пуцеправод праз чыгунку, які з’явіцца ў раёне вуліц Серава і Паўла Шпілёўскага.

— Гэта маштабны праект, які пацягне за сабой цэлы комплекс сумежных задач. У прыватнасці, будзе забяспечаны вывад Паўднёвай магістралі праз вул. Асаналіева і будаўніцтва паўнацэннага скрыжавання. Прадстаіць поўнасцю перабудаваць транспартную схему пад’ездаў да прамысловай зоны, дзе размешчаны «Рыбокомплекс», «Керамин» і камбінат «Клеон», — адзначыў Панеў.

У бліжэйшай перспектыве з’явіцца паўнацэнны мост праз Чыжоўскае вадасховішча — гэта працяг вул. Малініна ў бок Лошыцы.

Належная ўвага будзе нададзена транспартным пытанням «Паўночнага берага»: запланаваны старт праектных работ з наступным выхадам на будаўнічую пляцоўку для падаўжэння вуліцы Шырокай ад Зялёнага Лугу ў бок новага мікрараёна. Разглядаецца пытанне пра праектаванне і будаўніцтва двух развязак на МКАД: падаўжэнне вуліц Л. Карастоянавай і Новавіленскай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com