У польскім Уроцлаве адбудзецца Фестываль незалежнай беларускай культуры

Ужо ў 14-ы раз.

У польскім Уроцлаве адбудзецца XIV Фестываль незалежнай беларускай культуры. Мерапрыемствы пачнуцца 17 кастрычніка і працягнуцца да 24 кастрычніка.

Традыцыйны фестываль стаў прасторай сустрэчы незалежных творчых асобаў з розных сфер — музыкаў, мастакоў, акцёраў, пісьменнікаў, рэжысёраў і фатографаў. У праграме — канцэрты, спектаклі, літаратурныя прэзентацыі, выставы, а таксама кінапакзы і дыскусіі.

Лозунг сёлетняга фестывалю, як распавялі сайту Charter97.org арганізатары, — «Жывіца» (Żywica).

«Жывіца — гэта стыхія, якая цячэ, лечыць і злучае. Як жывіца дрэва: выдабытая з глыбіні, трывалая, здольная захаваць у сабе след часу. Гэта вобраз культуры, якая жыве», — кажуць арганізатары.

Фестываль адкрые аўтарская сустрэча і прэзентацыя кніг вядомага беларускага паэта Уладзіміра Някляева, якая адбудзецца ў суботу, 17 кастрычніка, а 15:00 у Нацыянальным інстытуце імя Оссолінскіх ва Уроцлаве (Nankiera 17).

Падчас фестывалю таксама будзе ўручаная Прэмія за падтрымку і развіццё беларускай культуры.

Арганізатарам фестывалю выступіў фонд «Za Wolność Waszą i Naszą».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com