Стала вядома, колькі беларусаў маюць дзейны від на жыхарства ў Польшчы

Аналіз дадзеных Упраўлення ў справах замежнікаў.

129,8 тыс. беларусаў знаходзяцца ў Польшчы на падставе часовага віду на жыхарства. Такія дадзеныя Упраўлення ў справах замежнікаў на 1 кастрычніка 2026 года. Аналіз MOST паказвае, што з пачатку года колькасць беларусаў, якія маюць дзейныя карты побыту ў Польшчы, знізілася на 14,4 тыс.

Асноўны ўклад у скарачэнне статыстыкі ўносяць часовыя віды на жыхарства. Беларусаў з картамі часовага побыту стала амаль на 14,3 тыс. менш. Калі на пачатак года іх было больш за 88,8 тыс., то на пачатак кастрычніка зменшылася да 74,6 тыс. Частка грамадзян Беларусі, асабліва ўладальнікі працоўных відаў на жыхарства, маглі пасля іх заканчэння вярнуцца на радзіму або з’ехаць у іншую краіну.

Іншыя паспелі атрымаць пастаянныя віды на жыхарства. Так, колькасць беларусаў з картамі рэзідэнта ЕС вырасла амаль на 600 чалавек — з 2,1 тыс. да 2,7 тыс.

Але, верагодна, многія апынуліся ў сітуацыі «паміж картамі»: тэрмін дзеяння папярэдняй скончыўся, а рашэння па новай яшчэ няма. Акрамя таго, мінае тэрмін дзеяння многіх гуманітарных відаў на жыхарства, якія беларусы атрымлівалі тры гады таму. Частка з іх пазней падавала заявы аб міжнароднай абароне, і некаторыя могуць дагэтуль чакаць рашэння.

На 528 чалавек зменшылася колькасць уладальнікаў карт сталага побыту — з 41,7 тыс. да 41,2 тыс. Верагодна, асноўная прычына ў тым, што грамадзяне Беларусі з польскімі каранямі за гэты час атрымалі грамадзянства Польшчы.

Колькасць беларусаў, легалізаваных на падставе дадатковай абароны, скарацілася з амаль 10 тыс. на пачатку года да 9,7 тыс. у кастрычніку. Беларусаў з картамі па статусу бежанца, наадварот, стала больш — 1,3 тыс. супраць 1 тыс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com