Віцэ-прэзідэнт Еўрапарламента абвясціла галадоўку

Каб прыцягнуць увагу міжнароднай супольнасці да сітуацыі ў акупаваных Алешках.

Віцэ-прэзідэнт Еўрапарламента Піна Піч'ерна абвясціла галадоўку, каб прыцягнуць увагу міжнароднай супольнасці да гуманітарнага крызісу ў часова акупаваных Алешках Херсонскай вобласці.

Пра гэта паведамляе Charter97.org са спасылкай на паведамленне Піны Піч'ерны ў X.

Чыноўніца ЕП заклікала да неадкладнага гуманітарнага перамір'я, дастаўкі прадуктаў і лекаў і бяспечнай эвакуацыі жыхароў, якія жадаюць пакінуць горад.

«Каб прыцягнуць міжнародную ўвагу да гэтай надзвычайнай сітуацыі, я пачала галадоўку. Але гэтая барацьба не можа быць толькі маёй», — напісала яна.

Печэрна заклікала грамадскія арганізацыі, грамадзян, а таксама нацыянальныя і мясцовыя інстытуцыі далучыцца да ненасільнай акцыі.

Паводле яе слоў, неабходна патрабаваць спынення агню ў гуманітарных мэтах, допуску ў горад прадуктаў і лекаў і стварэння ўмоваў для бяспечнага выезду мірных жыхароў.

Намесніца кіраўніка ЕП таксама падкрэсліла, што яе ініцыятыва прызваная падтрымаць намаганні Папы Рымскага Льва XIV і ўсіх, хто імкнецца прадухіліць маштабную гуманітарную трагедыю.

«Жыхароў Алешак нельга пакідаць на волю лёсу. Пара дзейнічаць разам, каб дыпламатыя дала рэальныя вынікі і ніхто не паміраў у цішыні», — заявіла яна.

Алешкі ў акупацыі

Як вядома, у часова акупаваным горадзе ўжо некалькі месяцаў пагаршаецца гуманітарны крызіс. Жыхары сутыкаюцца з недахопам ежы, лекаў і медыцынскай дапамогі, а магчымасці з'ехаць застаюцца надзвычай абмежаванымі з-за баявых дзеянняў і замініраваных дарог.

Паводле даных, прыведзеных у паведамленнях пра сітуацыю ў горадзе, там застаюцца каля двух тысяч мірных жыхароў. Небяспека пагражае як тым, хто не можа з'ехаць, так і тым, хто спрабуе пакінуць акупаваную тэрыторыю.

Раней Папа Рымскі Лев XIV абмеркаваў гуманітарную сітуацыю ў Алешках з прэзідэнтам Украіны Уладзімірам Зяленскім.

Затым пантыфік патэлефанаваў дыктатару Уладзіміру Пуціну і заклікаў да ўрэгулявання ў Алешках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com