Узброеныя сілы Украіны ўпершыню правялі баявую місію з наземным дронам на аўтапілотзе

Арыентавацца на мясцовасці дапамагаў штучны інтэлект.

Украінскія вайскоўцы ўпершыню правялі баявую аперацыю з наземным робатызаваным комплексам, які рухаўся на аўтапілотзе. Вядома, што дрон пераадолеў каля 20 кіламетраў.

Пра гэта паведамляе «РБК-Украіна» са спасылкай на прэс-службу палка беспілотных сістэм «Лава».

«Мы ўпершыню ў рэальных баявых умовах правялі аўтаномную місію НРК дзякуючы інтэграцыі машыны з ШІ. Амаль 20 км без аператара — і гэта толькі пачатак. «Лава» руліць нават без кіроўцаў», — гаворыцца ў паведамленні.

Вайскоўцы таксама адзначаюць, што перад выездам будучы маршрут НРК быў прасканаваны лазерным сэнсарaм і была створана яго трохмерная мадэль. Далей наземны дрон рухаўся па гэтай мадэлі, а камеры дапамагалі распазнаваць дарогу, абочыну і перашкоды. Праграмнае рашэнне распрацоўвае Apex AI.

Пры гэтым падчас выканання місіі аператар кантраляваў рух НРК: ён мог карэктаваць маршрут, задаваць хуткасць і ўмешвацца пры неабходнасці. Наступным крокам у падраздзяленні называюць эвакуацыйныя місіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com