16 лiстапада 2026, панядзелак, 20:37
Падтрымайце
сайт
Сім сім,
Хартыя 97!
Рубрыкі

У Беларусі знайшлі гіганцкае гняздо рэдкай птушкі

У Беларусі знайшлі гіганцкае гняздо рэдкай птушкі
Фота: npp.by

Фотафакт.

Найбуйнейшае гняздо рэдкай для Беларусі чырванакніжнай птушкі выявілі ў Нацыянальным парку «Прыпяцкі».

Ідзе гаворка пра найбуйнейшага драпежніка сярод птушак у Цэнтральнай і Паўночнай Еўропе — арлана-белахвоста.

Гэта водная птушка: пасяляецца каля азёр, рэк і балот, палюе на рыбу і ваднаплаўных птушак. Пашырэнне арэала арлана — верная прыкмета таго, што экасістэма нацпарка знаходзіцца ў выдатным стане.

Фото: npp.by

У Беларусі арлан занесены ў Чырвоную кнігу. Большая частка беларускай папуляцыі жыве ў басейне ракі Прыпяць у раёнах балот і поймавых лясоў. Нядзіўна, што Нацыянальны парк «Прыпяцкі» — адно з ключавых месцаў абітання гэтай птушкі.

Гняздо арлана — гэта трывалая масіўная пабудова з тоўстых галінак, высланая знутры карой, лісцем і тонкімі пруткамі. Яно штогод дабудоўваецца, таму можа дасягаць двух метраў у дыяметры і паўтара метра ў вышыню.

Фото: npp.by

Новае гняздо — найбольшае з вядомых на тэрыторыі парку. Пры неабходнасці ў ім змясціўся б і чалавек.

Арланы карыстаюцца такімі гнёздамі гадамі, часам будуюць паблізу яшчэ некалькі «кватэр». У кладцы звычайна да трох яек, якія насяджваюцца каля 40 сутак.

Падрослыя птушаняты вылятаюць з гнязда праз 70 сутак. Аднак яшчэ доўгі час трымаюцца побач з бацькамі.

Фото: npp.by
Фото: npp.by
Напісаць каментар

Таксама сачыце за акаўнтамі Charter97.org у сацыяльных сетках

▲