17 лiстапада 2026, aўторак, 1:07
Падтрымайце
сайт
Сім сім,
Хартыя 97!
Рубрыкі

Міхаіл Саакашвілі: Зяленскі меў рацыю

2
Міхаіл Саакашвілі: Зяленскі меў рацыю
УЛАДЗІМІР ЗЯЛЕНСКІ
ФОТА: ОФІС ПРЭЗІДЭНТА УКРАІНЫ

Экс-прэзідэнт Грузіі расказаў, як ставіцца да прэзідэнта Украіны праз пяць гадоў вайны.

Былы прэзідэнт Грузіі Міхаіл Саакашвілі, які адбывае турэмны тэрмін на радзіме, заступіўся за рэзкі стыль Уладзіміра Зяленскага. Яго допіс у Facebook выклікаў шырокі рэзананс.

Ён напісаў, што Зяленскі — годны прэзідэнт краіны, якая ваюе, і таму правільна ставіць на месца Пуціна і ўсіх астатніх. Публікацыя разышлася ў сацсетках, многія яе падтрымалі.

Пасля гэтага Саакашвілі апублікаваў другі допіс з тлумачэннем: ён прызнаў, што раней лічыў жорсткія заявы Зяленскага рызыкоўнымі, але памыляўся. Саакашвілі адзначыў, што класічная дыпламатычная школа састарэла, а Зяленскага назваў лідарам новага пакалення.

«І я павінен прызнаць, што памыляўся, а Зяленскі меў рацыю. Бо класічныя падыходы састарэлі і ўжо не працуюць, а тое, што новы падыход Зяленскага дае важкія вынікі, — факт. І ён мае рацыю. Іншыя лідары не абавязаны яго любіць, але павінны з ім лічыцца. Зяленскі — не дзяўчына з сайта знаёмстваў, якая шукае каханне. Ён адказны лідар дзяржавы, якая ваюе, і паводзіць сябе адпаведна», — напісаў Саакашвілі.

Ён лічыць Зяленскага незаменым на чале Украіны сёння і заклікаў усіх «перастаць ныць». На яго думку, Зяленскаму не трэба дамагацца сімпатыі іншых лідараў.

«Ён адказны лідар дзяржавы, якая ваюе, і паводзіць сябе адпаведна. Таму ён і незаменны сёння на чале Украіны, і пара ўсім перастаць ныць», — заявіў былы прэзідэнт Грузіі.

Напісаць каментар 2

Таксама сачыце за акаўнтамі Charter97.org у сацыяльных сетках

▲