17 лiстапада 2026, aўторак, 21:31
Падтрымайце
сайт
Сім сім,
Хартыя 97!
Рубрыкі

ЗША пабудуюць больш за 20 заводаў для вытворчасці Patriot, THAAD і Tomahawk

6
ЗША пабудуюць больш за 20 заводаў для вытворчасці Patriot, THAAD і Tomahawk
Ілюстрацыйнае фота

Пра гэта паведаміў Трамп.

Прэзідэнт ЗША Дональд Трамп абвясціў пра маштабнае пашырэнне амерыканскага ваенна-прамысловага комплексу. Выступаючы на прыёме ў Маніле з удзелам лідараў краін Асацыяцыі дзяржаў Паўднёва-Усходняй Азіі (АСЕАН), ён адзначыў, што абаронныя кампаніі цяпер узводзяць больш за 22 новыя заводы для павелічэння выпуску ўзбраенняў.

Трамп падкрэсліў, што цяперашнія тэрміны чакання паставак для краін-замоўцаў непрымальныя.

«Абаронныя кампаніі цяпер будуюць больш за 22 заводы для вытворчасці Patriot, сістэм THAAD, Tomahawk і ўсяго астатняга. Краінам, якія замаўляюць нашае ўзбраенне, даводзіцца чакаць занадта доўга», — заявіў прэзідэнт.

Гэты план пацвярджае раней агучаныя намеры Пентагона. У маі кіраўнік абароннага ведамства Піт Хегсет паведаміў, што на працягу найбліжэйшых двух-трох гадоў ЗША плануюць у некалькі разоў павялічыць вытворчасць шэрагу боепрыпасаў. У прыярытэтны спіс для пашырэння выпуску тады таксама ўвайшлі сістэмы супрацьпаветранай абароны Patriot і THAAD, а таксама крылатыя ракеты Tomahawk.

Напісаць каментар 6

Таксама сачыце за акаўнтамі Charter97.org у сацыяльных сетках

▲