«Лукашэнку — канец»

Да чаго прывядзе паўторнае ўварванне ва Украіну з Беларусі?

На гэтае пытанне адказвае расійскі праваабаронца Марк Фэйгін у прамым эфіры Delfi.lt. Сайт Charter97.org прыводзіць фрагмент размовы:

«Лукашэнка ў вельмі нявыгадным становішчы знаходзіцца. Калі нават яму Масква даручыць здзейсніць напад пад выглядам нейкай правакацыі, яго ўвогуле нічога не ўратуе, Лукашэнку — канец, разумееце, Лукашэнку — канец. Тут сітуацыя бінарная. Лукашэнка можа быць выкарыстаны як інструмент Масквы для нападу на краіны Балтыі або на Украіну, але і ў тым, і ў другім выпадку Лукашэнка — усё, яго больш няма».

Па словах Марка Фэйгіна, тэмай нядаўняй тэлефоннай размовы прэзідэнта Францыі з беларускім дыктатарам сталі наступствы ўцягвання Беларусі ў вайну.

«Макрон яго папярэдзіў, чым гэта абернецца для яго, Украіна яго таксама папярэдзіла. Любая спроба нападу — і ён становіцца галоўнай мішэнню, яго заб'юць, і ніхто не будзе «пераймацца» з нагоды — забіць ці не забіць Лукашэнку. Дроны і ракеты паляцяць проста ў яго рэзідэнцыі, ў усе, і тут ілюзій мець не трэба. Я ўпэўнены, што Лукашэнка выдатна ўсведамляе, што з ім разбяруцца, то бок такога не будзе, што ён тут ні пры чым, маўляў, разбірайцеся з Масквой.

Да Пуціна не дацягнуцца, да Лукашэнкі дацягнуцца, і з гэтага пункту гледжання Украіна ўвогуле цацацца не будзе. Любое перасячэнне мяжы любымі войскамі — расійскімі, беларускімі — усё, канец: усе ўжо гуляюць па іншых правілах, ніхто больш ні пра што не спрабуе дамаўляцца, проста ваююць. Якая розніца для Украіны — яна і так ваюе. Якая ёй розніца, што давядзецца ваяваць на поўначы? Я перакананы, што на мяжы з Беларуссю цяпер сцягнутыя вельмі істотныя сілы, і так проста прагулкай гэта дакладна не будзе, але і наступствы не будуць такімі, што выганяць войскі за межы Украіны — і ўсё, спыняцца? Не, тады ўжо давайце па-іншаму. Калі нават ЗСУ не ўдасца дайсці да Мінска, то ўжо бамбіць і абстрэльваць тэрыторыю Беларусі будуць абавязкова, адназначна.

Ёсць некалькі сцэнароў у сувязі з Беларуссю. Найменш верагодны — гэта паўторнае ўварванне, найбольш верагодны — спроба адцягвання ўкраінскіх сіл з Данбаса, што азначае размяшчэнне войскаў на тэрыторыі Беларусі. Зяленскі папярэджваў: размяшчэнне войскаў пацягне прэвентыўныя ўдары, то-бок удары, верагодна, і так будуць, нават калі Беларусь не ўцягнецца ў гэтую вайну».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com