Нэтаньягу звярнуўся да ліванцаў і прапанаваў мір без «Хізбалы»
- 11.06.2026, 2:11
Прэм’ер-міністр Ізраіля для народа Лівана.
Прэм’ер-міністр Ізраіля Біньямін Нэтаньягу запісаў відэазварот на англійскай мове да народа Лівана. Ён заявіў, што ягоная краіна настроеная на мір з суседняй рэспублікай і ўсклаў віну за канфрантацыю на шыіцкую арганізацыю «Хізбала» і Іран.
«Тэрарыстычная арганізацыя «Хізбала» ўзяла вашу краіну ў закладнікі, выконвае загады Ірана і выкарыстоўвае вашу тэрыторыю для здзяйснення тэрарыстычных актаў супраць Ізраіля», — заявіў Нэтаньягу. Відэазапіс выступу апублікаваны на афіцыйнай старонцы прэм’ера ў X.
Таксама прэм’ер-міністр Ізраіля заявіў, што Іран і «Хізбала» ператварылі жыццё Лівана ў кашмар і спрабуюць уцягнуць у вайну ліванцаў і ізраільцянаў. Паводле яго слоў, «Хізбала» слабейшая, чым калі-небудзь, а Ізраіль — мацнейшы. Ён дадаў, што Ізраіль планамерна ачышчае Паўднёвы Ліван і знойдзе баевікоў, дзе б яны ні былі.
«Вы таксама ведаеце, што мы прагнем міру з вамі, з Ліванам. Міру, пры якім нашы два народы змогуць разам інвеставаць, разам будаваць, разам квітнець», — сказаў спадар Нэтаньягу
Біньямін Нэтаньягу заявіў, што «Хізбала» хоча вайны і смерці і з’яўляецца адзінай перашкодай на шляху да міру. Прэм’ер прапанаваў ліванцам далучыцца да Ізраіля, забяспечыць бяспеку і росквіт для ўсіх дзяцей, а калі «Хізбала» будзе знішчана, перад імі, паводле яго запэўненняў, адкрыюцца бязмежныя магчымасці.
8 чэрвеня Нэтаньягу запэўніваў, што армія краіны працягне аперацыю супраць ліванскай групоўкі «Хізбала». Ізраільскі тэлеканал N12 са спасылкай на крыніцу паведаміў, што Ізраіль пагадзіўся спыніць удары па Іране на просьбу ЗША. Аднак удары па поўдні Лівана працягнуцца, сказаў суразмоўца тэлеканала.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
