Былай прапагандыстцы Таццяне Мартыновай забаранілі ўезд у ЕС на 10 гадоў

Яе знялі з цягніка на польскай мяжы і дэпартуюць ва Украіну.

Членку «каардынацыйнага савета» Таццяну Мартынову затрымалі пры перасячэнні польска-ўкраінскай мяжы. Ёй анулявалі шэнгенскую візу і забаранілі ўезд у краіны Еўрапейскага саюза тэрмінам на 10 гадоў.

Пра гэта Таццяна Мартынова расказала «Нашай Ніве».

Па словах Таццяны, інцыдэнт адбыўся ў цягніку, які ехаў з Кіева ў Польшчу.

«Польскія памежнікі падчас праверкі дакументаў і адбіткаў пальцаў сказалі, што я павінна перасякаць мяжу праз іншы пункт пропуску. Пасля мяне знялі з цягніка разам з рэчамі і адвезлі на аўтамабільны памежны пераход. Там паведамілі, што мая шэнгенская віза анулюецца, мяне чакае дэпартацыя і забарона на ўезд у ЕС на дзесяць гадоў», — расказала Таццяна Мартынова.

Таццяна Мартынова — былая вядучая АНТ і блогерка. Беларусь яна пакінула ў ліпені 2020 года і апошнія гады жыве ва Украіне. У 2024 і 2026 гадах Мартынова ўдзельнічала ў так званых «выбарах» у «каардынацыйны савет» як лідарка спісу «Хопіць баяцца».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com