Мікалай Статкевіч: Кіеў адкажа Лукашэнку ўжо без якіх-небудзь ультыматумаў і папярэджанняў

Лідар беларускай апазіцыі паўтарыў сваю рэкамендацыю дыктатару.

Лідар беларускай апазіцыі, былы палітвязень Мікалай Статкевіч у сваім тэлеграм-канале пракаментаваў сітуацыю з выкананнем Лукашэнкам умоў ультыматуму Уладзіміра Зяленскага і магчымых далейшых дзеяннях Украіны:

— Кіеў заяўляе, што ўжо некалькі дзён расійскія дроны не наводзяцца з дапамогай рэтранслятараў, размешчаных на тэрыторыі Беларусі, аднак невядома, ці прыбралі іх адтуль.

Пакуль дакладна вядома толькі тое, што гэтыя рэтранслятары цяпер не працуюць. Але з якой прычыны — невядома. Ці то іх сапраўды прыбралі, у што я не веру, ці то расійскі бок часова не выкарыстоўвае іх пасля просьбаў Мінска і іранічных каментароў Масквы.

Аднак Маскве ўсё адно давядзецца адказваць на ўкраінскія ўдары, а яе запасы балістычных ракет папаўняюцца павольна. Таму гэтак жа, як рэтранслятары цяпер адключылі, іх могуць зноў уключыць падчас чарговай атакі дронамі па Украіне.

Тады Кіеў, хутчэй за ўсё, адкажа ўжо без якіх-небудзь ультыматумаў і папярэджанняў.

Памкненні запалохаць Украіну выдуманымі або нават рэальнымі танкамі не зробяць на Кіеў ніякага ўражання. Бо цяпер пужаць украінцаў танкамі на прыпяцкіх балотах — усё адно што пужаць вожыка голай дупай.

Таму мая парада адносна аптымальнага варыянту рэакцыі ў выпадку ўдару па «неіснуючых» рэтранслятарах застаецца ў сіле.

Нагадаем, раней Мікалай Статкевіч прапанаваў Лукашэнку не збіваць украінскія дроны.

«Акрамя таго, не варта спрабаваць збіваць украінскія дроны і ракеты сродкамі беларускай ППА. Зенітных ракет мала, яны дарагія, а галоўнае — навошта збіваць тое, што ляціць да расійскіх рэтранслятараў? Толькі дзеля таго, каб абломкі ўкраінскіх дронаў або беларускіх зенітных ракет падалі на галовы мірных жыхароў?», — напісаў тады Мікалай Статкевіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com