У Іркуцкай вобласці РФ паліцыя і Расгвардыя будуць патруляваць АЗС

На запраўках пачаліся канфлікты.

Улады Іркуцкай вобласці Расіі узмацнілі меры бяспекі на фоне дэфіцыту паліва і доўгіх чаргаў на аўтазапраўках. Губернатар рэгіёна Ігар Кобзеў паведаміў, што да патрулявання АЗС прыцягнулі супрацоўнікаў паліцыі і Расгвардыі.

Па словах кіраўніка рэгіёна, праваахоўнікі павінны сачыць за грамадскім парадкам каля заправачных станцый, спыняць незаконны продаж паліва і прыцягваць парушальнікаў да адказнасці.

З-за недахопу бензіну ў вобласці ўведзены рэжым падвышанай гатоўнасці. На аўтазапраўках сеткі «Раснафта» для фізічных асоб устанавілі ліміт — не больш за 50 літраў паліва на адзін аўтамабіль у суткі. Акрамя таго, забаронены продаж бензіну ў каністры і іншыя ёмістасці.

Выключэнне зрабілі толькі для аўтамабіляў экстраных службаў, камунальнай тэхнікі і сельгаспрадпрыемстваў.

Дэфіцыт паліва ў расійскіх рэгіёнах узнік на фоне перабояў у працы нафтаперапрацоўчай галіны пасля удараў украінскіх дронаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com