З інтэрв'ю Пуціна выразалі яго словы пра Лукашэнку

Відэа скарацілі на шэсць хвілін.

Інтэрв'ю дыктатара Уладзіміра Пуціна прапагандысту <>BПаўлу Зарубіну, апублікаванае на сайце Крамля, апынулася моцна адрэдагаваным. З яго былі выразаныя каля 6 хвілін «спрэчных» момантаў. Увагу на гэта звярнуў расійскі незалежны рэсурс «Можем объяснить».

З расшыфроўкі інтэрв'ю прыбралі агаворку Пуціна пра «амаль акружаны» Стары Аскол — горад у Белгародскай вобласці РФ. СМІ мяркуюць, што дыктатар пераблытаў горад з ракой на тэрыторыі Украіны. Знікла і няправільнае вымаўленне назвы Херсонскай вобласці. Ён назваў яе «Херхонскай».

А з самога відэа выразалі цэлых 6 хвілін. У гэтай частцы Зарубін пытаў Пуціна пра змену пазіцыі ЗША ў вайне супраць Украіны і пра тое, ці існуе яшчэ так званы «дух Анкарыджа». Пуцін двойчы заявіў, што яму пра гэта нічога не вядома. Ён таксама сцвярджаў, што падчас перамоў у Анкарыджы Расія нібыта пайшла на кампраміс на просьбу амерыканскага боку і цяпер чакае новага візіту прадстаўнікоў Вашынгтона. Гэтыя словы ў афіцыйную публікацыю не ўвайшлі.

З выніковай версіі таксама выдалілі выказванні Пуціна пра беларускага дыктатара Аляксандра Лукашэнку. Ён сцвярджаў, што пагрозы з боку ўкраінскага лідара Уладзіміра Зяленскага «не выклікаюць панікі» ў беларускага кіраўніка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com