Памерла першая прэм'ер-міністр незалежнай Літвы Казіміра Прунскене

«Бурштынавая лэдзі» памерла ва ўзросце 83 гадоў.

У 83-гадовым узросце памерла падпісантка Акта аб незалежнасці Літвы ад 11 сакавіка 1990 года, прафесар, першая прэм'ер-міністр незалежнай Літвы Казіміра-Дануце Прунскене, піша Delfi.

Прунскене стала прэм'ер-міністрам першага ўрада незалежнай Літвы 17 сакавіка 1990 года. Тады яе пачалі называць «Бурштынавай лэдзі» — па аналагіі з «Жалезнай лэдзі» Маргарэт Тэтчэр.

Брала ўдзел у выбарах прэзідэнта Літвы ў 2004 і 2009 гадах. У лістападзе 2004 года стала міністрам сельскай гаспадаркі.

У снежні 2010-га ездзіла ў Беларусь назіраць за прэзідэнцкімі выбарамі. Тады яна казала, што бачыць прагрэс у іх арганізацыі:

«Я зацікаўленая ў тым, каб усё адбывалася дэмакратычна, каб усе мелі шанцы на выбары. Лічу, што наяўнасць некалькіх кандыдатаў — гэта праява дэмакратыі…»

У лютым 2012-га перанесла інсульт, дзве аперацыі, пасля чаго ўпала ў кому, праходзіла рэабілітацыю ў Маскве і вярнулася ў Літву. Апошнія гады паступала няшмат інфармацыі пра тое, як жыве і як сябе адчувае Прунскене. У 2020 годзе паведамлялася, што яна жыла ў сядзібе свайго сына Вайдотаса.

Прунскене ў савецкі час (1965–1986 гг.) выкладала ў Вільнюскім універсітэце, займалася навуковай дзейнасцю ў Венгрыі і ГДР, потым была намеснікам дырэктара Літоўскага інстытута эканомікі сельскай гаспадаркі, рэктарам Інстытута павышэння кваліфікацыі кіраўнічых работнікаў і спецыялістаў народнай гаспадаркі.

У 1988 годзе стала адным з галоўных распрацоўнікаў канцэпцыі эканамічнай самастойнасці Літоўскай ССР і адным з заснавальнікаў руху Саюдыс, уваходзіла ў яго ініцыятыўную групу і Савет сейма. Стала намеснікам старшыні Савета міністраў Літоўскай ССР (1989–1990). Была абраная народным дэпутатам СССР і ўдзельнічала ў працы Вярхоўнага Савета СССР і З'езда народных дэпутатаў СССР. У лютым 1990 года была абраная дэпутатам Вярхоўнага Савета Літоўскай ССР. 11 сакавіка 1990 года была ў ліку падпісантаў Акта аб аднаўленні незалежнасці Літвы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com