ISW: У Крамлі баяцца панікі расіянаў

Пуцін закрыў доступ да важнай інфармацыі.

Крэмль абмежаваў доступ да інфармацыі пра расійскую нафтагазавую прамысловасць. Пра гэта гаворыцца у справаздачы Інстытута вывучэння вайны (ISW).

Аналітыкі лічаць, што такім чынам Расія спрабуе схаваць даныя, каб абараніць пастаўкі нафты ад украінскіх удараў. Яны не выключаюць і іншыя прычыны: жаданне змякчыць дзеянне заходніх санкцый або прадухіліць унутранае незадаволенне і паніку з-за дэфіцыту паліва.

Эксперты нагадалі, што 28 верасня Пуцін падпісаў указ, які абмяжоўвае доступ да інфармацыі пра нафтагазавую галіну. Пад абмежаванне трапілі даныя пра рыначныя аперацыі, аб’ёмы перапрацоўкі і вытворчасці нафты, пакупнікоў, прадаўцоў і пасярэднікаў, транспартаванне і перавалку, даты і час здзелак, а таксама геаграфічныя каардынаты нафтавых тэрміналаў і сховішчаў.

«Гэтыя абмежаванні могуць пераследаваць адну або некалькі мэтаў. Крэмль, верагодна, спрабуе павысіць аперацыйную бяспеку сваёй нафтагазавай галіны на фоне эфектыўнай доўгатэрміновай кампаніі Украіны па нанясенні ўдараў па расійскай нафтаперапрацоўчай інфраструктуры. Больш закрытае інфармацыйнае асяроддзе таксама можа дапамагчы змякчыць наступствы існуючых заходніх санкцый супраць расійскай нафтавай прамысловасці і абараніцца ад новых, хаваючы ступень залежнасці Расіі ад імпарту энергарэсурсаў, на які могуць быць скіраваныя другасныя санкцыі. Акрамя таго, Крэмль можа спрабаваць схаваць ад шараговых расіянаў маштабы і распаўсюджанасць зацягнутага паліўнага крызісу ўнутры краіны: ён выклікаў шырокае грамадскае незадаволенне і справакаваў панічныя закупкі, што яшчэ больш абвастрыла дэфіцыт», — адзначаюць аналітыкі інстытута.

Крыніцы таксама паведамляюць, што расійскія ўлады рыхтуюцца працягнуць забарону на экспарт дызельнага паліва яшчэ на месяц — да канца кастрычніка 2026 года. Першапачаткова яе ўвялі ў ліпені 2026 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com