3 чэрвеня 2024, панядзелак, 9:20
Падтрымайце
сайт
Сім сім,
Хартыя 97!
Рубрыкі

Зімоўскі пагражае прадпрымальнікам крымінальным перасьледам

17

Аляксандар Зімоўскі адказаў прадпрымальнікам, якія 18 лютага зьвярнуліся да старшыні Белтэлерадыёкампаніі з просьбай аб прадстаўленьня простага этэру на тэлебачаньні.

У лісьце на адрас лідэра кампаніі "За свабоднае разьвіцьцё прадпрымальніцтва" Віктара Гарбачова Зімоўскі напісаў:

«У сувязі з тым, што Вы ня маеце права выступаць ад імя індывідуальных прадпрымальнікаў Менску і краіны, згодна з законам РБ аб зваротах грамадзянаў, Белтэлерадыёкампанія адмаўляе Вам у прадстаўленьні этэру. Ваша прыватная просьба аб прадстаўленьні простага этэру супярэчыць артыкулу 48 закону “Аб друку і іншых сродках масавай інфармацыі". У гэтай сувязі Белтэлерадыёкампанія папярэджвае, што Вы можаце быць прыцягнутыя да дысцыплінарнай, адміністрацыйнай, крымінальнай ці іншай адказнасьці, у адпаведнасьці з законам РБ».

Адзін зь лідэраў прадпрымальніцкага руху Алесь Таўстыка так пракамэнтаваў "Нашай ніве" адказ тэлевізійнікаў:

«Закон не забараняе нам выкарыстоўваць сваё права патрабаваньня простага этэру. Добра, калі Гарбачоў ня можа прадстаўляць інтарэсы ІП, то скажыце, колькі для гэтага трэба сабраць подпісаў, мы іх зьбяром. Прадпрымальнікі згодныя на любую дыскусію. Пры адваротным рашэньні, мы схільныя меркаваць, што нас проста баяцца».

Таксама Алесь Таўстыка паведаміў, што сёньня атрымаў позву на допыт у якасьці сьведкі па крымінальнай справе віцебскага прадпрымальніка Сяргея Парсюкевіча.

Напісаць каментар 17

Таксама сачыце за акаўнтамі Charter97.org у сацыяльных сетках