Менчук пагражаў нажом кіроўцу хуткай дапамогі
3- 29.12.2009, 11:27
Нападаючы патрабаваў везці яго па названым адрасе і забраў у кіроўцы «хуткай» тэлефон.
Мужчына ў Менску пагражаў нажом кіроўцу хуткай дапамогі, паведамілі БелТА ў Генеральнай пракуратуры Беларусі.
«У Маскоўскі РУУС Менска звярнуўся кіроўца КУП «Мінскаўтатранс» і заявіў, што ў 1.30 каля дома па вул.Ясеніна да яго ў аўтамашыну хуткай медыцынскай дапамогі, якая прыбыла па выкліке, сеў невядомы і, пагражаючы нажом, патрабаваў ехаць па названым адрасе. Затым ён адабраў у кіроўцы тэлефон і ўцёк», - распавялі ў пракурорскім ведамстве.
Пазней па падазроне ў здзяйсненні дадзенага злачынства супрацоўнікі міліцыі затрымалі мужчыну 1984 года нараджэння. Супраць яго ўзбуджана крымінальная справа па арт. 207 («Разбой») КК Беларусі, вядзецца следства.
