18 верасня 2021, Субота, 16:24
Сім сім, Хартыя 97!
Рубрыкі

У вучэннях «Захад-2009» прымуць удзел нават прызыўнікі

1

Прызыўнікі лета цяперашняга года ўжо восенню прымуць удзел у аператыўна-стратэгічным вучэнні «Захад-2009».

Аб гэтым журналістам паведаміў начальнік генеральнага штаба Ўзброеных Сіл Беларусі генерал-лейтэнант Сяргей Гурулёў.

«Яны будуць удзельнічаць у вучэннях разам са сваімі вайсковымі часткамі, куды патрапяць служыць», - сказаў начальнік генштаба.

Кажучы аб мерапрыемствах прызыву, які працягваецца ў Беларусі, Сяргей Гурулёў адзначыў, што «прызыў у Беларусі - гэта нармальная праца, якая праводзіцца 2 разы на год». Прызыўных рэсурсаў у краіне значна больш, чым могуць прызваць Узброеныя Сілы, іншыя войскі і вайсковыя фарміраванні краіны. Тым не менш, у Беларусі знойдзеныя шляхі для таго, каб грамадзяне маглі атрымаць вайскова-ўліковыя спецыяльнасці. Адна з такіх магчымасцяў - гэта служба ў рэзерве, на якую ў асноўным прызываюцца высокакваліфікаваныя грамадзянскія спецыялісты, якіх немэтазгодна на доўгі час адрываць ад асноўнага віду дзейнасці.

Таксама, па словах начальніка генштаба, з кожным годам у Беларусі скарачаецца колькасць грамадзян, жадаючых, як кажуць, «адкасіць» ад службы ў войску. Сяргей Гурулёў канстатаваў, што стабільнасць у грамадстве і дзяржаве прывяла да «пералому ў свядомасці маладых людзей». Але ёсць мінімальная колькасць людзей, якія ўсё ж такі па тых або іншых прычынах не хочуць служыць у войску. З імі размова ідзе з пазіцыі заканадаўства, якое прадугледжвае як адміністрацыйную, так і крымінальную адказнасць за ўхіленне ад мерапрыемстваў прызыву. «Такіх людзей з кожным годам становіцца ўсё менш», - адзначыў начальнік генштаба.

Сяргей Гурулёў паведаміў, што ўсё большая колькасць грамадзян пасля мінпраходжанняання тэрміновай службы выяўляюць жаданне застацца ў войску на кантрактнай аснове. «Служба ў войску - нармальная мужчынская праца: цяжкая і адказная. Складанасці ёсць у любым калектыве, асабліва калі ён толькі мужчынскі. Але з кожным годам паляпшаюцца бытавыя ўмовы, медыцынскія, умовы харчавання, у лепшы бок змяняецца форма вопраткі не толькі з пункту гледжання эстэтыкі, але таксама выгады і жыццезабеспячэння чалавека», - дадаў Сяргей Гурулёў.