Пад Магілёвам у кватэру самотнай пенсіянеркі кінулі два «кактэйлі Молатава»

Пачаўся пажар.

Намеснік начальніка аддзела крымінальнага вышуку Магілёўскага РАУС маёр міліцыі Уладзіслаў Ніскоўскі расказаў sb.by, як у жыллё самотнай пенсіянеркі кінулі два «кактэйлі Молатава» — кватэра загарэлася.

Усё адбылося ў вёсцы за 40 кіламетраў ад Магілёва, у чатырохкватэрным жылым доме. Два «кактэйлі Молатава» прывялі да ўзгарання ў пакоі і псавання рэчаў агнём, але сама бабуля не пацярпела. Дарэчы, яна вяла добрапрыстойны лад жыцця, канфліктаў з законам на яе рахунку не было.

Неўзабаве міліцыя высветліла, што незадоўга да здарэння — на світанку — у вёсцы бачылі двух незнаёмых маладых людзей, амаль падлеткаў. Адзін быў у яркай майцы ружовага колеру. Пакідаючы населены пункт, яны зазірнулі ў мясцовую краму, купілі па карце колу і жуйку. І прадавачка запомніла, зноў-такі, ружовую майку.

Па банкаўскай карце іх вылічылі. Яны былі мінчанамі, а род заняткаў — «спорцікі» наркашопа, якія павінны былі пакараць вінаватага работніка.

«Нячысты на руку закладчык быў зарэгістраваны ў кватэры пенсіянеркі, хоць ніколі там не пражываў. А «спорцікі», не праверыўшы інфармацыю, пашкодзілі кватэру вяскоўкі», — піша выданне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com