21 траўня 2019, aўторак, 1:07
За нашу і вашу свабоду!
Рубрыкі

«Die Presse»: Беларускі «псіхапат» Лукашэнка

7

Некаторыя, магчыма, і раней падазравалі ў Лукашэнкі такі дыягназ, але не адважваліся заявіць пра гэта ўголас.

У нядзелю ўвечары ў эфіры расейскага дзяржаўнага тэлеканала НТВ была паказаная трэцяя серыя дакументальнага фільма «Хросны бацька». У ім кіраўнік Беларусі Аляксандр Лукашэнка прадстаў «уладалюбівым антырасейскім здраднікам» і быў названы «псіхапатам». «Некаторыя, магчыма, і раней падазравалі ... [у Лукашэнкі] такі дыягназ, але не адважваліся заявіць пра гэта ўголас ", - піша ўплывовая аўстрыйская газета «Die Presse».

Нягледзячы на тое, што на беларускім ТБ стужка стала ахвярай цэнзуры, больш за два мільёны беларусаў паглядзелі фільм у інтэрнэце, сцвярджаюць прадстаўнікі мясцовай апазіцыі. Аўтары расследавання прад'яўляюць Лукашэнку «сур'ёзныя абвінавачванні»: у тым, што яго клан «падпарадкаваў сабе краіну», а сам прэзідэнт «датычны да знікнення шэрагу апазіцыянераў». Усё гэта суправаджаецца «сумна вядомым» відэарадам («Лукашэнка ў зялёных плаўках на пляжы ў сяброўскай Венесуэле»), сведчаннем псіхолага і нават - «у выглядзе выключэння», як піша аўтар артыкула, - цытавання заходніх СМІ, якія назвалі Лукашэнку «апошнім дыктатарам Еўропы» .

Аглядальнік Die Presse заключае, што адносіны паміж Масквой і Менскам «дрэнныя, вельмі дрэнныя»: «Калі справа даходзіць да крытыкі непаслухмянага малодшага брата-здрадніка, Крэмль больш не саромеецца рэзаць праўду-матку ў вочы. Тым больш, што зімой 2010 года Беларусь чакаюць прэзідэнцкія выбары».