П'яны кіроўца тараніў святлафоры і турнікеты (Фота)
20- 23.09.2010, 17:29
Спачатку кіроўца «Волгі» зачапіў святлафор на падзяляльнай паласе на перакрыжаванні вуліц Багдановіча і Харужай, затым пратараніў загараджальныя турнікеты.
Пра гэта распавяла карэспандэнту партала interfax.by старшы інспектар па агітацыі і прапагандзе АДАІ Савецкага раёна Менска Марыя Дз’якава.
Адзін з турнікетаў прабіў дно аўтамабіля і затрымаўся ў багажніку. Але кіроўцу гэта зусім не збянтэжыла. Аўтамабіль працягнуў рух у бок плошчы Бангалор. І праз плошчу - наўпрост, спыніўшыся толькі пасярод зялёнай зоны.
Неадэкватныя паводзіны кіроўцы маюць простае тлумачэнне - у яго крыві выявілася 1,1 праміле алкаголю. Прытым, што «таран» святлафора адбыўся раніцай - у 5.50.
Бліжэй да 11 гадзін дня, адзначыла інспектар, парушальнік пачаў цверазець і віну сваю цалкам прызнаў.