Трамп падпісаў дакумент аб намеры выйсці з Дамовы па адкрытым небе

Дамова дае ўдзельнікам дазвол здзяйсняць аблёты тэрыторый адзін аднаго для кантролю за раззбраеннем.

Амерыканскі прэзідэнт Дональд Трамп падпісаў дакумент аб намеры вывесці ЗША з Дамовы па адкрытым небе (ДАН), якая ратыфікаваная Расеяй у 2001 годзе. Пра гэта ў нядзелю, 27 кастрычніка, паведаміла газета The Wall Street Journal са спасылкай на двух амерыканскіх афіцыйных асоб, піша «Немецкая волна».

У Белым доме на пытанне журналістаў пра тое, ці збіраецца Вашынгтон разарваць пагадненне, не адказалі. Адзін з суразмоўцаў выдання адзначыў, што абмеркаванне гэтай праблемы працягваецца. «З гэтым прэзідэнтам усё магчыма», - указаў ён.

Дамова дае яе ўдзельнікам права здзяйсняць аблёты тэрыторый адзін аднаго для назірання за вайсковай дзейнасцю ў адпаведнасці з квотамі наглядальных місій.

«Адна з асноватворных дамоў»

Дзяржавы - сябры пагаднення, уключаючы Украіну, выступаюць за захаванне дамовы. Яны кажуць, што спрэчкі аб захаванні дамовы Расеяй павінны развязацца шляхам перамоў.

«ДАН - адна з асноватворных міжнародных дамоў у галіне еўрапейскай бяспекі і кантролю над узбраеннямі», - падкрэсліваецца ў заяве ўкраінскага МЗС, атрыманай 25 кастрычніка The Wall Street Journal.

«Украіна зацікаўленая ў захаванні і рэалізацыі гэтай дамовы», - адзначаецца далей у пагадненні.

Яшчэ ў верасні 2017 года ў Дзярждэпе ЗША казалі, што ўлады краіны «занепакоеныя невыкананнем Расеяй» ДАН, у сувязі з чым вырашылі распачаць «разумныя і супастаўныя» крокі.

Дамова па адкрытым небе была парафіраваная ў 1992 годзе ў Вене з мэтай кантролю над раззбраеннем.