Літва перадала ІКАО матэрыялы аб атаках беларускімі метэазондамі

Вільнюс прыводзіць доказы гібрыднай атакі рэжыму Лукашэнкі.

Літва перадала ў Міжнародную арганізацыю грамадзянскай авіяцыі (ІКАО) дадатковыя матэрыялы, у якіх прыводзіць доказы гібрыднай атакі афіцыйнага Мінска «супраць грамадзянскай авіяцыі», паведамляе «Белсат».

Міністэрства транспарту і камунікацый Літвы звярнулася ў ІКАО і Еўрапейскую камісію яшчэ ў кастрычніку 2025 года, калі на тэрыторыю краіны пачалі актыўна залятаць беларускія метэазонды. Цяпер дзяржава накіравала дадатковыя матэрыялы, паведаміла ведамства.

«Мы робім яшчэ адзін важны крок — падаем дадатковыя доказы незаконных дзеянняў Беларусі супраць Літвы, якія ствараюць пагрозу бяспецы грамадзянскай авіяцыі», — заявіў намеснік міністра Родэрыкас Жобакас.

Як адзначылі ў літоўскім міністэрстве, новыя дакументы паказваюць, як метэазонды, якія запускаюцца з беларускай тэрыторыі, сістэматычна парушаюць паветраную прастору і ствараюць рэальную пагрозу грамадзянскім паветраным судам і пасажырам.

З кастрычніка 2025 года аэрапорт Вільнюса быў вымушаны прыпыняць працу не менш як 20 разоў з-за паветраных шароў з кантрабанднымі цыгарэтамі, што знаходзіліся ў небе. Напрыканцы 2025 года Літва абвяшчала надзвычайную сітуацыю ў сувязі з гэтымі гібрыднымі атакамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com