Парашэнка: Я не сыходжу з палітыкі

Дзейны прэзідэнт Украіны паабяцаў Уладзіміру Зяленскаму магутную апазіцыю.

Дзейны прэзідэнт Украіны Пятро Парашэнка падчас брыфінгу заявіў, што не сыходзіць з украінскай палітыкі. Пра гэта паведамляе РБК-Украина.

Напрыклад, Парашэнка заявіў, што застаецца ў палітыцы і будзе змагацца за Украіну.

«Ужо ў наступным месяцы я пакіну пасаду кіраўніка дзяржавы. Так вызначыла большасць украінцаў. Я пайду з офіса, але я не сыходжу з палітыкі. Я застаюся ў палітыцы, буду змагацца за Украіну, бо наша каманда павінна абараніць тыя дасягненні, якія мы здабылі разам з нашай камандай», - сказаў Парашэнка.

Са слоў Парашэнкі, ягоная каманда будзе абараняць курс на сяброўства ў Еўразвязе і NATO, бязвіз, украінскую мову, праваслаўную царкву Украіны, стабільнасць фінансава-банкаўскай сістэмы.

Напрыклад, Парашэнка адзначыў, што ягоная каманда будзе абараняць сусветную кааліцыю за Украіну.

«Мы будзем абараняць падаўжэнне рэжыму санкцый супраць Расеі, як адзіны механізм процідзеяння. Мы будзем абараняць дэцэнтралізацыю, інклюзіўную адукацыю, рэформу сельскай медыцыны, дзяржаўныя закупкі і энэргаэфектыўнасць. Новы прэзідэнт будзе мець моцную апазіцыю. Але Украіна ад гэтага толькі пераможа», - заявіў Парашэнка.

Ён таксама падкрэсліў гатоўнасць перадаць новаму прэзідэнту ўсю сетку міжнародных кантактаў.

«Выбары прайшлі сумленна. Выбары прайшлі празрыста, у поўнай адпаведнасці з еўрапейскімі стандартамі. Мы захавалі дэмакратыю і права ўкраінцаў выбіраць сабе ўладу. Гэта прыкмета еўрапейскай дэмакратычнай краіны», - дадаў Парашэнка.

«Ужо ў наступным месяцы я пакіну пасаду кіраўніка дзяржавы. Так вызначыла большасць украінцаў. Я пайду з офіса, але я не сыходжу з палітыкі», - падкрэсліў ён.