Выбухі на заводзе ў расейскім Дзяржынску: новыя падрабязнасці
- 1.06.2019, 21:43
- 16,072
Па дапамогу звярнуліся амаль 80 чалавек.
Некалькі выбухаў сур'ёзна пашкодзілі цэх вытворчасці трацілу абароннага завода Дзяржаўнае НІІ "Крышталь" у заходняй частцы горада Дзяржынск у Ніжагародскай вобласці. Па медыцынскую дапамогу звярнуліся амаль 80 чалавек, паведамляе ВВС.
Як гэта было?
НЗ здарылася аб 11:45 у суботу. Крыніца агенцтва РІА Новости ўдакладніла, што мелі месца тры выбухі, якія выбухнулі амаль адначасова.
У цэху ўзнік пажар на плошчы блізу 1200 кв.м. У 185 дамах у радыусе трох кіламетраў былі выбітыя шкла.
Адміністрацыя прадпрыемства паведаміла РІА, што ў момант надзвычайнага здарэння непасрэдна ў цэху працавалі пяць чалавек, завадскія службы аператыўна эвакуавалі персанал.
Колькі чалавек пацярпела?
На працягу ўсяго дня звесткі пра колькасць людзей, якія атрымалі раны і траўмы мяняліся ў бок павелічэння. Паводле ўдакладненых звестак Міністэрства аховы здароўя Расеі на 17:00, усяго па медыцынскую дапамогу звярнуліся 79 чалавек: 38 работнікаў завода і 41 жыхар горада. Дзяцей сярод іх няма. 15 чалавек шпіталізаваныя, адна жанчына ў цяжкім стане.
Што вядома аб прычынах?
"Папярэдняя прычына - парушэнне тэхналагічнага працэсу", - заявіў суразмоўца РІА Новости.
"Па адной з версій, працоўныя маглі выпусціць з рук гатовую прадукцыю, у выніку чаго пачаліся выбухі", - сказала крыніца ТАСС.
Распачатая крымінальная справа аб парушэнні правілаў тэхнікі бяспекі.
Як рэагавалі гараджане?
В первый день лета мы в ужасе. Два взрыва на заводе Кристалл Дзержинск, весь город трясло pic.twitter.com/XntH5lNXVV
— Stredda (@Stredda1) June 1, 2019
Першыя паведамленні ў сацыяльных сетках з'явіліся каля поўдня.
Улады горада цягам некалькіх гадзін абвяшчалі праз рэпрадуктары, што "сітуацыя знаходзіцца пад кантролем".
#Россия | В #Дзержинск'е на тротиловом заводе прогремели 2 мощных взрыва. Ударной волной в домах выбило стекла, отключено электричество. Угроза повторного взрыва сохраняется. pic.twitter.com/EOoZNT2ZUn
— Sham Center (@shamcenter4) June 1, 2019
В городе #Дзержинск прогремели взрывы на оборонном предприятии, которое производит взрывчатку pic.twitter.com/jIJMtc1CR7
— Лёха2 (@NemcofAleksei) June 1, 2019
Што вырабляў завод?
Крыніца "Інтэрфакса" паведаміла, што ў цэху выраблялася выбухоўка да авіяцыйных боепрыпасаў. "У цэху вырабляліся фугасныя авіябомбы і кампаненты да іх. Боепрыпасы захоўваліся там жа", - растлумачыў ён.
Гэта не першае такое здарэнне на гэтым прадпрыемстве. 4 красавіка гэтага года адбыўся пажар пры выгрузцы выбуховай сумесі з змяшальніка. Цэх быў разбураны, але ніхто не пацярпеў.
Што адбываецца зараз?
На месца надзвычайнага здарэння прыбылі блізу 400 пажарных і да 50 адзінак тэхнікі. Да 15:00 маскоўскага часу адкрытае полымя ўдалося патушыць.
У Дзяржынск тэрмінова выехаў намеснік ніжагародскага губернатара Дзмітрый Красноў.
"Цяпер існуе пагроза паўторных выбухаў", - паведамляла агенцтва ТАСС каля поўдня суботы са спасылкай на ананімнага суразмоўцу, але гэтага, на шчасце, не здарылася.
Расспажыўнагляд не знайшоў перавышэння канцэнтрацыі забруджвальных рэчываў у паветры.
