«Галодныя гульні»: украінскія анархісты правялі акцыю ля беларускай амбасады
- 21.06.2019, 21:59
- 14,558
Дыктатар выдаткаваў больш за $150 мільёнаў з народнага бюджэту.
Каля беларускага пасольства ў Кіеве прайшла акцыя за байкот Еўрапейскіх гульняў, якія праходзяць у Менску. Зладзілі яе ўкраінскія анархісты.
Тры юнакі павесілі на плот амбасады расцяжку з надпісам «Галодныя гульні з 1994». Потым яны запалілі фаер каля расцяжкі і сышлі, паведамляе «Еврорадио».
У паведамленні, распаўсюджаным у інтэрнэце, гаворыцца:
«На вонкавы глянец краіны дыктатар выдаткаваў больш за 150 млн даляраў з народнага бюджэту. Цяпер у гэтыя дні на вуліцах сталіцы будзе яшчэ больш паскуд у форме, каб ніхто не адважыўся парушыць наведзены парадак на вылізаных і вычышчаных ад «парушальнікаў» вуліцах. Людзей без пастаяннага месца жыхарства вывезлі ў месцы ізаляцыі, змянілі рух транспарту па ўсім горадзе, выселілі студэнтаў з інтэрнатаў і працягваюць судзіць актывістаў па розных абсурдных артыкулах. Так, у палоне рэжыму ўсё яшчэ застаюцца палітвязні па «справе антыфашыстаў», Святаслаў Барановіч, Міхаіл Жамчужны і Дзмітрый Паліенка, які чакае суда ў СІЗА.
Байкот Еўрапейскім галодным гульняў у дыктатарскай Беларусі! Смерць рэжыму!»