12 красавiка 2024, Пятніца, 22:56
Падтрымайце
сайт
Сім сім,
Хартыя 97!
Рубрыкі

Выяўленае самае старажытнае манументальнае збудаванне Еўропы

5
Выяўленае самае старажытнае манументальнае збудаванне Еўропы

Агульная маса пабудовы перавышае 140 тонаў.

На дне Мекленбургскай бухты ў Балтыйскім моры выяўленае найстаражытнейшае манументальнае збудаванне Еўропы. Гэтая сцяна была складзеная з камянёў блізу 11 тысячаў гадоў таму. Яе выкарыстоўвалі для атраднага палявання на паўночных аленяў. Пра гэта гаворыцца ў Proceedings of the National Academy of Sciences.

Знаходку знайшлі нямецкія археолагі.

«Мы знайшлі пад вадой прыкладна кіламетровую каменную сцяну. Гэтае збудаванне больш за дзесяць тысячаў гадоў таму пабудавалі паляўнічыя-збіральнікі часоў апошняга ледавіковага перыяду – у канцы палеаліту або пачатку мезаліту. Сцяна выкарыстоўвалася людзьмі каменнага веку для атраднага палявання на паўночных аленяў, якія мігруюць. У той час ва ўсёй Паўночнай Еўропе жыло ўсяго блізу пяці тысячаў чалавек», – гаворыцца ў супольнай заяве ўніверсітэтаў Растока, Кіля і Інстытута асацыяцыі Лейбніца ў Варнемюндзе.

Агульная маса пабудовы, паводле ацэнак, перавышае 140 тонаў. Пад вадой яна апынулася блізу 8500 гадоў таму ў выніку ўздыму ўзроўню тагачаснага слабасалёнага Літарынавага мора, калі ў гэтую частку западзіны будучага Балтыйскага мора пачала пранікаць салёная вада з акіяну.

Напісаць каментар 5

Таксама сачыце за акаўнтамі Charter97.org у сацыяльных сетках