Дроны масіравана атакавалі Маскву і Пецярбург

Паражаны Пецярбургскі нафтавы тэрмінал.

У ноч на 18 кастрычніка дроны масіравана атакавалі Маскву, Санкт-Пецярбург і Ленінградскую вобласць. Верагодна, паражаны нафтаналівны порт, у трох аэрапортах былі ўведзеныя абмежаванні.

Пра гэта паведамляе маніторынгавы канал Exilenova+ і расійскае выданне ASTRA.

Пецярбург і Ленінградская вобласць

Паводле дадзеных Exilenova+, дроны атакавалі нафтаналівны порт, пасля чаго там гарыць цыстэрна. Расійская СПА працуе вельмі інтэнсіўна, фіксуюцца пускі ракет.

Губернатар Ленінградскай вобласці Аляксандр Драздзенка заявіў пра 57 збітых беспілотнікаў. Паводле яго слоў, у пасёлку Нізіна Ламаносаўскага раёна абломкі пашкодзілі чатыры аўтамабілі на паркоўцы, узнік пажар.

Мясцовыя жыхары таксама паведамляюць пра выбухі ў Кудраве.

Пры гэтым пецярбургцам не паступілі SMS-папярэджанні пра пагрозу дронаў, а частка людзей атрымала іх з вялікай затрымкай.

Масква

Мэр Масквы Сяргей Сабянін з 23:00 дакладвае пра збітыя дроны. Па стане на трэцюю гадзіну ночы ён паведаміў пра 87 беспілотнікаў. Пра разбурэнні або пацярпелых Сабянін не паведамляе, але адзначае, што на месцах падзення абломкаў працуюць экстранныя службы. Выбухі чулі і ў Падмаскоўі.

Абмежаванні ў аэрапортах

З-за атакі Расавіяцыя абмежавала прыём і выпуск самалётаў у дзвюх маскоўскіх аэрапортах і ў пецярбургскім Пулкаве.

Абноўлена

Сілы абароны паразілі Пецярбургскі нафтавы тэрмінал дронамі FP-1, паведамілі ў кампаніі-вытворцы Fire Point. Гэта адзін з найбуйнейшых нафтаналівных комплексаў рэгіёну: тут прымаюць, захоўваюць і адгружаюць нафтапрадукты, у тым ліку на экспарт. Магутнасць тэрмінала — 12,5 млн тон у год. Пасля траплення на яго тэрыторыі ўспыхнуў пажар.

Масква трапляе пад масіраваныя атакі дронаў некалькі начэй запар. У ноч на 14 кастрычніка Сілы абароны накіравалі на Маскву сотні дронаў — гэта была адна з самых маштабных атак на расійскую сталіцу.

16 кастрычніка з-за атакі каля 50 беспілотнікаў абмежаванні ўвялі адразу ў чатырох аэрапортах маскоўскага авіявузла: «Шарамецьева», «Внукава», «Дамадзедава» і «Жукоўскі». Наступнай ноччу тры з іх ізноў спынілі працу, хоць тады Сабянін пра пагрозу дронаў не паведамляў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com