Politico: Еўропа адмаўляе ЗША ў транзіце беларускага калію

Трамп спрабуе ціснуць на Літву.

Адміністрацыя прэзідэнта ЗША Дональда Трампа спрабуе пераканаць Літву аднавіць экспарт беларускіх калійных угнаенняў праз порт Клайпеды, што фактычна аслабіла б дзеянне еўрапейскіх санкцый супраць рэжыму Аляксандра Лукашэнкі. Аднак, як піша Politico, у Еўропе даюць адпор такім прапановам Вашынгтона.

Адзначаецца, што Вашынгтон зацікаўлены ў дыверсіфікацыі паставак калійных угнаенняў, каб зменшыць залежнасць ад Канады і скараціць выдаткі амерыканскіх фермераў.

Паводле слоў чатырох еўрапейскіх чыноўнікаў, спецыяльны пасланнік ЗША па Беларусі Джон Коул у апошнія тыдні актывізаваў кантакты з літоўскімі дыпламатамі. Ён абмяркоўваў магчымасць змякчэння абмежаванняў на гандаль беларускімі таварамі, у прыватнасці калійнымі ўгнаеннямі.

Дзейныя санкцыі ЕС забараняюць еўрапейскім портам адгружаць беларускую прадукцыю. У той жа час для захавання гэтых абмежаванняў іх неабходна падаўжаць кожныя 12 месяцаў.

Літва, якая ў пачатку наступнага года прыме на сябе ратацыйнае старшынства ў Еўрасаюзе, тэарэтычна можа заблакіраваць чарговае падаўжэнне санкцый, запланаванае на люты. У такім выпадку абмежаванні страцяць сілу. У той жа час Вільнюс застаецца адным з самых паслядоўных саюзнікаў Украіны сярод краін ЕС.

«Яны ветліва ціснуць, але мы адказваем максімальна адназначна: „Хр*н вам“. Калі амерыканцы не здольныя зрабіць высновы з гісторыі, то мы павінны стаяць на сваім», — сказаў адзін з усходнееўрапейскіх чыноўнікаў.

Як адзначае Politico, Джон Коул спрабуе дамагчыся ўступак ад урада Літвы ўжо больш за год — з моманту свайго першага візіту ў Мінск.

У той жа час ва Усходняй Еўропе баяцца, што змякчэнне санкцый супраць рэжыму Лукашэнкі ўмацуе яго міжнародныя пазіцыі і дасць больш магчымасцяў для пераследу і зняволення палітычных апанентаў.

Яшчэ адзін суразмоўца выдання паставіў пад сумнеў эканамічную мэтазгоднасць такіх дамоўленасцяў. Паводле яго слоў, пакуль неясна, ці існуе дастатковы сусветны попыт на беларускія калійныя ўгнаенні з улікам дамінавання Канады на гэтым рынку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com